一般打邊爐比較嘈雜，如果想打住邊爐傾偈基本上冇乜可能，今次我搵到例外。雲手工火鍋店位於瑞生尖沙咀酒店3樓，地點易搵，餐廳裝潢走中高檔路線，乾淨企理。同女仔朋友黎傾偈絕對舒服。 湯底揀左火焰沙白蟹鍋，蟹肉沙白鮮美，店員細心問我地食唔食芫荽 (梗係食la~) 然後會即場落酒炒煮，火焰視覺效果打卡一流，湯煮滾後先飲一碗，鮮味十足，實在令人難忘。

今次呢間火鍋店用料確實有驚喜，店員服務態度都好好，整體環境舒適，如果人數較多仲可以揀VIP房，夠晒私隱。🐔#火焰三椰雞鍋 ($328)湯底入面嘅所有用料都係喺客人面前處理，湯底內有雞件、紅蘿蔔、海底椰同椰子，店員會先用牛油炒香材料，加少少酒增加香氣再點火，後加椰子同椰青水，最後再落雞湯，整個湯底都好清甜。另外再叫左🐷#秘製蝴蝶腩 ($128)算係平時比較少食嘅配料，都幾特別，🦐#手打鹹蛋黃蝦丸 (半份 $52)雖然我唔係鹹蛋黃愛好者，但整體味道幾特別，🥟#蝦米瑤柱椰菜餃 (半份 $58)餡料鮮甜同湯底好夾，🥟#招牌韮菜餃 (半份 $48)入面爆多韭菜，一咬開陣味攻上鼻。🥗#雜菜拼盤 ($88)有菜心、生菜、油麥菜、黃芽白、粟米同蕃茄。🍜#日本出前一丁 ($28)原個包裝上，真係日本包裝童叟無欺🤣，🍹#竹蔗茅根 ($68)少少甜但都清爽。