龍鳳呈祥雞煲火鍋

食材新鮮服務好，懷舊氣氛朋友聚會打卡首選！ 「招牌無骨鳳翼釀雞煲」，鍾意佢冇骨啖啖肉，雞翼入面加咗墨魚滑，爽口彈牙好好食😋

餐廳以七、八十年代舊香港為主題，店內設有大量打卡位，如：金色大龍鳳、霓虹燈牌、綠色通花鐵閘、舊式飲品販賣機、乒乓球餐桌等，裝潢充滿懷舊氣氛。 餐廳主打雞煲火鍋，我哋今次揀咗最受歡迎嘅招牌無骨鳳翼釀雞煲，雞翼已經全部起曬骨，中間釀入了甘筍、西芹同墨魚滑，雞肉好嫩滑、墨魚滑彈牙。 食完個雞煲就可以加湯打邊爐。牛肉拼盤有牛舌片、手切牛肉、牛胸油、牛柏葉、牛肉粒同雪花肥牛，全部都好高質。 即製回味五香肉丁餃好有創意，餡料以蝦膠包住切碎五香肉丁，蝦膠彈牙味鮮，同香辣嘅肉丁完美融合。 另外仲點咗山水滑豆腐、即炸響鈴和龍鳳呈祥豐盛雜菜拼盤。自家製陳年鹹檸七同鹹檸樂都好正，鹹甜交集、冰涼潤喉。